പതിവ് ആവര്‍ത്തനംകൊണ്ട് അര്‍ഥവും വിലയും നഷ്ടപ്പെട്ട ഇടയലേഖനങ്ങള്‍ രാഷ്ട്രീയപ്രസ്താവനകളായി അധഃപതിച്ചിരിക്കുന്നു. വളരെ വിരളമായും അവധാനപൂര്‍വവും ഉപയോഗിക്കേണ്ടവയാണ് അവ. സമരാഹ്വാനങ്ങള്‍ക്കും പോര്‍വിളികള്‍ക്കും ശക്തിപരീക്ഷണങ്ങള്‍ക്കുമപ്പുറത്ത് ധാര്‍മികമായ വിശകലനങ്ങള്‍ ഒന്നും ഈ ലേഖനങ്ങളില്‍ ഇല്ല. ഈശ്വരവിശ്വാസത്തെ തങ്ങള്‍ നേരിടുന്ന ഏതെങ്കിലും ധാര്‍മികപ്രശ്നവുമായി ബന്ധപ്പടുത്താനുളള ഒരു ശ്രമവും ഇടയലേഖനങ്ങളില്‍ കാണുന്നില്ല

ആദിവാസി വിഭാഗങ്ങളുടേയും മറ്റു പിന്നോക്ക ജന വിഭാഗങ്ങളുടേയും പുരോഗതിക്കും ജീവിതനിലവാരം ഉയര്‍ത്തുന്നതിനും മാറി വരുന്ന സര്‍ക്കാരുകള്‍ ചിലവഴിക്കുന്നത് കോടിക്കണക്കിനു രൂപയാണ്. ആദിവാസികളായി ജനിച്ചിട്ടും ജീവിച്ചിട്ടും സര്‍ക്കാര്‍ രേഖകളില്‍ ആദിവാസി അല്ലാത്തതിനാല്‍ സര്‍ക്കാരിന്റെ സാമ്പത്തിക സഹായങ്ങളും മറ്റും ലഭിക്കാതിരിക്കുന്നതും ആദിവാസികളില്‍ നാം അധികമൊന്നും ശ്രദ്ധിക്കാതെ പോയതുമായ ഒരു വിഭാഗമാണ് ആളര്‍ സമുദായം

വൈദ്യുതി ബോര്‍ഡിന്റെ പ്രവര്‍ത്തനം മെച്ചപ്പെടുത്താന്‍ സ്റ്റാന്‍ഡാര്‍ഡ്സ് ഓഫ് പെര്‍ഫോര്‍മന്‍സ്.ഉപയോക്താക്കള്‍ക്കു മെച്ചപ്പെട്ട സേവനം ഉറപ്പാക്കാന്‍ നാലു വര്‍ഷം മുന്‍പു വൈദ്യുതി റഗുലേറ്ററി കമ്മീഷന്‍ സ്റ്റാന്‍ഡാര്‍ഡ്സ് ഓഫ് പെര്‍ഫോര്‍മന്‍സ് എന്ന പേരില്‍  ചട്ടങ്ങള്‍ ഏര്‍പ്പെടുത്തിയിരുന്നു. ഈ ചട്ടങ്ങള്‍ നടപ്പാക്കാതെ  ഇതുവരെ ബോര്‍ഡ് തടിതപ്പി

നമ്മുടെ നാട്ടിലും ആഗോള തലത്തിലും ലൈംഗിക വിദ്യാഭ്യാസം ഒരുപാടു ചര്‍ച്ച ചെയ്യപ്പെട്ടു കൊണ്ടിരിക്കുകയാണല്ലോ! ഇത്തരം ചര്‍ച്ചകള്‍ തുടങ്ങി വെച്ചിട്ട് കാലം ഒരുപാടയെങ്കിലും നമ്മുടെ നാട്ടില്‍ ഇത് വരെ ചില ചുവടു വെപ്പുകള്‍ മാത്രമേ കാണാന്‍ സാധിക്കുന്നുള്ളൂ.ലൈംഗിക അരാജകത്വവും,കൌമാര ഗര്‍ഭിണികളും വളര്‍ന്നു വരുന്ന ഒരു ചുറ്റുപാടില്‍ കേരളം പോലും അപകടപരമായ ഒരു ചുറ്റുപാടിലേക്ക് നീങ്ങി കൊണ്ടിരിക്കുമ്പോള്‍ ഇത് ചര്‍ച്ച ചെയ്യാതെ വയ്യ.ഇതുമായി ബന്ധപ്പെട്ട ചില ചിന്തകള്‍ മാത്രമാണ് ഇങ്ങിനെ ഒരു ലേഖനത്തിനാധാരം.

പകര്‍ച്ചപ്പനികളുടെ കാലം തുടങ്ങിയിട്ട് അധികമായിട്ടില്ല. ഈ ചുരുങ്ങിയ കാലയളവിനുള്ളില്‍ തന്നെ വിവിധ ലക്ഷണങ്ങളിലുള്ള, പേരുകളിലുള്ള പനികള്‍ നമ്മുടെ പടി കടന്നുപോയി. ചിക്കുന്‍ ഗുനിയ, വൈറല്‍പനി, ജപ്പാന്‍ ജ്വരം, എലിപ്പനി, പക്ഷിപ്പനി, ഡെങ്കിപ്പനി, പന്നിപ്പനി എന്നിങ്ങനെ. ഒടുവില്‍ വന്നതും ലോകമെമ്പാടും പടര്‍ന്നു പിടിച്ച് പതിനായിരങ്ങളുടെ ജീവനപഹരിച്ചതുമായ പന്നിപ്പനിയെ ലോകാരോഗ്യസംഘടന ആഗോളപകര്‍ച്ചവ്യാധിയെന്നു പ്രഖ്യാപിക്കുകയും ചെയ്തു. കുറഞ്ഞത് ലോകത്തിന്റെ രണ്ടു മേഖലകളിലെങ്കിലും മനുഷ്യരില്‍ നിന്ന് മനുഷ്യരിലേക്ക് വ്യാപകമായി പകരുന്ന തരത്തില്‍ ഒരു രോഗം മാറുമ്പോഴാണ് ഒരു രോഗത്തെ ലോകാരോഗ്യസംഘടന മഹാമാരിയായി പ്രഖ്യാപിക്കുക.

കോമണ്‍വെല്‍ത്ത് ഗെയിംസ് തെയ്യാറെടുപ്പുകളുടെ മറവില്‍ ദില്ലിയില്‍ നടക്കുന്ന നഗ്നമായ തൊഴില്‍ നിയമ ലംഘനങ്ങള്‍ക്കും തൊഴിലാളി പീഡനങ്ങള്‍ക്കും സംസ്ഥാന സര്‍ക്കാരിന്റേയും, അധികാരികളുടേയും ഒത്താശയുണ്ടോ എഴുപത്തിയൊന്ന് ദേശീയ പതാകകളുടെ നടുവില്‍ ത്രിവര്‍ണ പതാക ഉയര്‍ന്നു പാറികളിക്കും.

അടുത്തിടെ അന്തരിച്ച ചലച്ചിത്രപ്രവര്‍ത്തകന്‍ ശരത് ചന്ദ്രനെ കുറിച്ച് വര്‍ഗീസ് ആന്റണി

മുഖ്യധാരയിലെ കെട്ടുകാഴ്‌ചകളില്‍ നിന്നകന്ന്‌, ദൃശ്യങ്ങളുടെ ആഴത്തിലുള്ള സംവേദനക്ഷമതയേക്കുറിച്ച്‌ മാത്രം ആലോചിച്ചിരുന്ന ചലച്ചിത്രകാരനായിരുന്നു സി ശരത്‌ചന്ദ്രന്‍. സിനിമയായിരുന്നു അയാളുടെ ആത്മാവ്‌. അതിനായി ഇറങ്ങിപ്പുറപ്പെട്ട ഒരാള്‍ എന്ന്‌ പരിചയപ്പെടുത്തുന്നതു പോലെ കാണുമ്പോഴെല്ലാം നല്ല സിനിമകളേക്കുറിച്ച്‌ മാത്രം സംസാരിച്ചു അദ്ദേഹം.എംജി സര്‍വ്വകലാശാലയില്‍ പഠിക്കുന്ന കാലത്ത്‌ ഒരു ഫിലിം ഫെസ്റ്റിവലില്‍ വച്ചാണ്‌ ശരത്‌ചന്ദ്രനെ ആദ്യമായി കാണുന്നത്‌.

'ഇവിടം സ്വര്‍ഗമാണ്' പതിവു മോഹന്‍ലാല്‍ ചിത്രങ്ങളില്‍ നിന്നും വ്യത്യസ്തമാണെന്ന് സുനീഷ്.ദേശീയ അവാര്‍ഡുകളില്‍ മലയാളത്തിന് കാര്യമായ പരിഗണനയൊന്നും ലഭിച്ചില്ലെന്നതാണ് സിനിമാ ലോകത്തെ നിലവിലെ സംസാര വിഷയം. 2008ലിറങ്ങിയ സിനിമകളാണ് പ്രതിക്കൂട്ടില്‍.